聲音片段

如果你想採取法律行動或者作出抗辯，不過又冇經濟能力去請律師，你可以考慮申請法律援助。法律援助嘅範圍包括喺區域法院、高等法院原訟法庭及上訴法庭，同埋終審法院進行嘅法律程序。此外，亦都包括喺精神健康覆核審裁處聆訊嘅案件；同埋喺死因裁判法庭嘅研訊而當局認為為咗維護社會公義有需要俾法律援助嘅案件。

要得到法律援助，你要證明有合理嘅理據，採取法律行動，或者作出抗辯。

另外，你要證明你嘅財務資源，即每年可動用嘅收入同埋可動用的資產，唔超過港幣四十四萬八百蚊。如果你夠六十歲，喺計算可動用資產時，可以扣減一筆相等於普通法律援助計劃財務資格限額嘅數目，即係四十四萬八百蚊。不過，如果有關個案涉及違反《香港人權法案條例》或者牴觸《公民權利和政治權利國際公約》裏面適用於香港嘅規定，法律援助署署長可以豁免財務資源限制嘅規定。至於點樣計算你嘅收入同資產，以及可扣減嘅項目，已經詳細載列喺“怎樣計算你的財務資源及分擔費”嘅小冊子裏面。你可以嚟本署攞呢本小冊子，或者瀏覽本署嘅網頁，網址係www.lad.gov.hk。如果你想透過傳真攞呢本小冊子，你可以㩒*號返回主目錄再㩒9字，然後揀有關嘅小冊子。

如果你未夠十八歲，但係又需要法律援助去幫你打官司，你就要揾你嘅爸爸、媽媽或者你嘅監護人代表你申請法律援助。

如果你想申請法律援助，你可以親自嚟法律援助署香港辦事處或者九龍分署辦理申請手續。香港辦事處嘅地址係：香港金鐘道66號，金鐘道政府合署25樓，電話係：2537 7652；重複：係2537 7652。九龍分署嘅地址係九龍旺角聯運街30號旺角政府合署地下，電話係：2399 2544；重複：係2399 2544。

如果你夠18歲，而申請涉及嘅訴訟係唔緊急嘅話，你可以透過本署網頁www.lad.gov.hk進入法律援助電子服務入門網站，喺網上提交“預辦申請所需資料”，之後就可以正式提交申請。

登入入門網站後，你須回答一些關鍵問題，便可下載「預辦申請所需資料表格」。填妥表格後，你可於網上向本署遞交表格。本署在收到資料後，會透過入門網站向你發出一個電子檔號以作確認。本署在核對你所提交的資料後如認為妥當，便會通知你約見日期，以便正式辦理申請。

法律援助唔一定係免費嘅。獲批法律援助嘅受助人可能要就所提供嘅服務支付費用。有關嘅內容請先㩒*號返回主目錄，再㩒4字收聽啦！

如果你要去法庭搞離婚或者提出抗辯，又或者因為子女嘅管養同探視權、你同埋子女嘅贍養費或者資產分配等問題要交俾法庭審理，又或者要執行或者更改法庭判嘅贍養費、管養或探視權命令，你都可以申請法律援助。

如果你想申請法律援助搞離婚，喺你嚟申請嘅時候，法律援助署須要睇呢啲文件(如果你有嘅話)：

一：結婚證書或證明；
二：子女嘅出生證明書；
三：分居協議書；
四：離婚同意書；
五：配偶嘅身份證副本；

如果你想申請法律援助去執行或更改法庭命令，例如贍養費命令，法律援助署須要睇呢啲文件(如果你有嘅話)：

一：所有嘅法庭命令；
二：離婚呈請書；
三：社會福利署調查報告；
四：經濟狀況宣誓書；
五：其他有關嘅法庭文件同往來信件。

如果情況緊急，例如你懷疑對方變賣資產或者發生家庭暴力事件，你可以喺申請法律援助嗰陣時同法律援助署嘅職員講，法律援助署會盡快考慮你嘅申請。

你需要通過經濟同案情嘅審查，先至可以得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

如果你因為意外受傷，或者有親屬因意外身亡，而意外嘅發生涉及人為嘅疏忽，你可以申請法律援助，幫你採取法律行動，同疏忽嘅一方索取賠償。假如意外係喺做工嘅時候發生，請㩒2字返回分目錄，再㩒4字先收聽個人傷亡嘅僱員補償。

如果嗰宗意外係一宗交通意外，而你或者死傷者嘅家人急需現金援助，你可以同社會福利署嘅交通意外傷亡援助計劃申請。詳細嘅資料，請打電話：28347472，同社會福利署嘅交通意外傷亡援助組查詢；重複：係28347472！

喺你嚟申請嘅時候，法律援助署須要睇呢啲文件(如果你有嘅話)：

一：警方向你或其他證人錄取嘅口供；
二：你同警方、保險公司或者佢地嘅代理，或者理賠師嘅往來信件；
三：病假證明書同醫療報告；
四：交通意外傷亡援助計劃發放嘅援助金詳情。

申索「疏忽賠償」係有時限嘅，一般嚟講，你需要喺意外發生後三年之內同法庭提交申請，如果你需要法律援助協助你索取賠償，你應該俾法律援助署足夠嘅時間去處理你嘅申請，盡量避免喺限期就快到嘅時候先至嚟申請。

你需要通過經濟同案情嘅審查，先至可以得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

根據《僱員補償條例》，當僱員喺工作期間發生意外，因此受傷或者死亡，受傷嗰個僱員或者過咗身嗰個僱員嘅家屬就可以要求僱主賠償。

假如意外涉及人為疏忽，傷者或死者嘅家屬仲可以提出「疏忽賠償」，有關嘅內容請先㩒2字返回分目錄，再㩒3字收聽啦！你應該盡早提交法律援助申請。

如果你需要申請法律援助，幫你去攞賠償，喺你嚟申請嘅時候，法律援助署須要睇呢啲文件(如果你有嘅話)：

一：僱傭合約；
二：意外前後嘅收入記錄；
三：你俾勞工處同埋勞工處俾你嘅所有文件；
四：如果訴訟已經開始咗嘅話，有關嘅法庭文件副本；
五：醫療報告同埋判傷證明書；
六：入院卡同覆診卡；
七：病假證明書；
八：醫院同醫療費用嘅收據；

申索「僱員補償」係有時限嘅，一般嚟講，你需要喺意外發生後兩年之內同法庭提交申請，如果你需要法律援助協助你索取賠償，你應該俾法律援助署足夠嘅時間去處理你嘅申請，盡量避免喺限期就快到嘅時候先至嚟申請。

你需要通過經濟同案情嘅審查，先至可以得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

如果你有任何嘅勞資糾紛，你可以首先去到勞工處嘅勞資關係科俾佢哋試吓幫你去做調解。如果調解唔成功，你可以考慮入稟勞資審裁處提出申索。

但係請注意，法律援助係唔包括喺勞資審裁處處理嘅案件。不過，喺以下幾種情況，你可以考慮申請法律援助：

一：由勞資審裁處轉交去區域法院或高等法院原訟法庭嘅案件；
二：執行勞資審裁處嘅裁決令；
三：上訴推翻勞資審裁處嘅決定；
四：反對上訴推翻勞資審裁處嘅決定。

喺你嚟申請嘅時候，法律援助署須要睇呢啲文件(如果你有嘅話)：

一：有關嘅僱傭合約；
二：你喺勞資審裁處提出申索嘅文件或者命令；
三：任何其他有關嘅文件，例如糧單。

你需要通過經濟同案情嘅審查，先至有資格得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

有關喺原訟法庭或者區域法院處理嘅土地同埋租務糾紛案件，你都可以申請法律援助。

喺你嚟申請嘅時候，法律援助署須要睇呢啲文件(如果你有嘅話)：

一：有關法庭文件或者命令；
二：租約；
三：租單、政府土地牌照費收據；
四：其他有關嘅文件。

你需要通過經濟同案情嘅審查，先至可以得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

如果入境事務處或者入境事務審裁處嘅決定，影響你喺香港嘅居留，你都可以申請法律援助提出司法覆核。

喺你嚟申請嘅時候，法律援助署須要睇呢啲文件(如果你有嘅話)：

一：如果你係擔保外出嘅，請你帶同擔保文件；
二：你同入境事務處或者審裁處嘅往來信件，包括遣送令、遞解令同埋遣送令或遞解令嘅案情摘要同埋書面理由；
三：針對遣送令、遞解令嘅上訴文件；
四：可以證明你有權喺香港居留嘅其他文件，例如出生證明書等。

申請人需要通過經濟同案情嘅審查，先至有資格得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

無論死亡個案有無牽涉索償，法律援助署署長如果認為提供法律援助能夠維持社會公義，就會提供法律援助俾死者嘅家人，等佢哋有律師代表出席喺《死因裁判官條例》之下對死亡個案進行嘅研訊。

死者嘅家人包括死者尚存嘅配偶、子女、父母或者兄弟姊妹，但係只有其中一位可以獲批法律援助。如果署長認為以上嘅親屬，冇一個在生，又或者俾法律援助呢啲家人係唔合理可行嘅話，署長就可以提供法律援助俾任何一位佢認為係可以合理當係死者尚存近親嘅人。

喺你嚟申請嘅時候，法律援助署須要睇呢啲文件(如果你有嘅話)：

一：警方嘅調查報告；
二：其他政府部門嘅調查報告；
三：醫療報告；
四：你同死者關係嘅書面證明，例如結婚證書或者出生證明書。

申請人需要通過經濟同案情嘅審查，先至有資格得到法律援助。有關嘅內容請先㩒2字返回分目錄，再㩒1字收聽啦！

法律援助唔一定係免費嘅。所有用公帑去打官司嘅人，可能都要分擔或者透過法律援助署署長嘅第一押記俾番法援署使咗嘅律師費同埋其他費用。有關嘅內容請先㩒*號返回主目錄，再㩒4字收聽啦！

如果你因為刑事起訴被定罪或者判刑，想提出上訴，你可以申請法律援助。

如果你要得到法律援助，你就要通過經濟審查同埋案情審查。喺經濟審查方面，你要證明你嘅財務資源唔超過四十四萬八百蚊。喺計算財務資源時，法律援助署會將你嘅人工、儲蓄同埋所有其他資產計算在內，減去一啲認可嘅豁免項目，例如租金、入息稅同埋俾你同你嘅受養人生活開支嘅法定豁免額。你唯一或主要住所嘅價值係唔會當係你資產嘅一部份。如果你夠六十歲，喺計算可動用資產時，可以扣減一筆相等於普通法律援助計劃財務資格限額嘅數目，即係四十四萬八百蚊。

即使你喺經濟上面符合咗法律援助嘅資格，你可能都要分擔一部份嘅律師費。你要俾幾多分擔費就要睇吓你嘅財務資源嚟決定。

如果你想知道多啲有關財務資源嘅計算方法，你可以親自嚟本署攞一本叫做“怎樣計算你的財務資源及分擔費”嘅小冊子或者上網瀏覽本署嘅網頁，網址係www.lad.gov.hk。你亦都可以透過傳真攞呢一本小冊子，你可以㩒*號返回主目錄再㩒9字，然後揀有關嘅小冊子。

就算你嘅財務資源超過法定限額，如果法律援助署署長考慮過你嘅案件後，認為俾法律援助你可以有助維護司法公正，你仍然可以得到法律援助，但係你要俾分擔費。

至於喺案情審查方面，如果法律援助署署長認為你嘅上訴有合理嘅理據，先至會提供法律援助。如果因為謀殺、叛逆或者係使用暴力嘅海盜行為罪名成立而要上訴，無論你有冇上訴嘅理由，你都唔需要通過案情審查就會得到法律援助。

申請法律援助有三個方法：

無論你決定申請法律援助又或者唔申請，如果你件案係喺裁判法院審嘅，而你又唔服裁判官嘅判決，你一定要喺判決宣判當日起十四日之內，親身去原審裁判法院嘅上訴書記辦公室辦理書面上訴手續。如果你件案係喺區域法院或者喺高等法院原訟法庭審嘅，你就要喺二十八日之內申請上訴。

喺高等法院原訟法庭同埋區域法院審訊啲各種刑事案件嘅被告人，都可以申請法律援助。

但如果你要得到法律援助，你就要通過經濟審查同埋案情審查。

喺經濟審查方面，你要證明你嘅財務資源唔超過四十四萬八百蚊。計算財務資源時，法律援助署會將你嘅人工、儲蓄同埋所有其他資產計算在內，減去一啲認可嘅豁免項目，例如租金、入息稅同埋俾你同你嘅受養人生活開支嘅法定豁免額。你唯一或主要住所嘅價值係唔會當係你資產嘅一部份。如果你夠六十歲，喺計算可動用資產時，可以扣減一筆相等於普通法律援助計劃財務資格限額嘅數目，即係四十四萬八百蚊。

即使你喺經濟上面符合咗法律援助嘅資格，你可能都要分擔一部份嘅律師費。你要俾幾多分擔費就要睇吓你嘅財務資源嚟決定。

如果你想知道多啲有關財務資源嘅計算方法，你可以親自嚟本署攞一本叫做“怎樣計算你的財務資源及分擔費”嘅小冊子或者上網瀏覽本署嘅網頁，網址係www.lad.gov.hk。你亦都可以透過傳真攞呢一本小冊子，你可以㩒*號返回主目錄再㩒9字，然後揀有關嘅小冊子。

就算你嘅財務資源超過法定嘅限額，如果法律援助署署長考慮過你嘅案件後，認為俾法律援助你可以有助維護司法公正，你仍然可以得到法律援助，但你就需要俾分擔費。

至於喺案情審查方面，為咗維護司法公正，只要你通過經濟審查，無論你認唔認罪，通常你都會得到法律援助。

申請法律援助有三個方法：

如果你喺裁判法院被檢控，而你又希望有律師代表你，你可以向當值律師計劃嘅法庭聯絡主任尋求協助。只有喺裁判法院進行交付審判程序嘅被告人，先至可以申請法律援助。

如果你要得到法律援助，你就要通過經濟審查同埋案情審查。
喺經濟審查方面，你要證明你嘅財務資源唔超過四十四萬八百蚊。計算財務資源時，法律援助署會將你嘅人工、儲蓄同埋所有其他資產計算在內，減去一啲認可嘅豁免項目，例如租金、入息稅同埋俾你同你嘅受養人生活開支嘅法定豁免額。你唯一或主要住所嘅價值係唔會當係你資產嘅一部份。如果你夠六十歲，喺計算可動用資產時，可以扣減一筆相等於普通法律援助計劃財務資格限額嘅數目，即係四十四萬八百蚊。

即使你喺經濟上面符合咗法律援助嘅資格，你可能都要分擔一部份嘅律師費同埋堂費。你要俾幾多分擔費就要睇吓你嘅財務資源嚟決定。

如果你想知道多啲有關財務資源嘅計算方法，你可以親自嚟本署攞一本叫做“怎樣計算你的財務資源及分擔費”嘅小冊子或者上網瀏覽本署嘅網頁，網址係www.lad.gov.hk。你亦都可以透過傳真攞呢一本小冊子，你可以㩒*號返回主目錄再㩒9字，然後揀有關嘅小冊子。

就算你嘅財務資源超過法定嘅限額，如果法律援助署署長考慮過你嘅案件後，認為俾法律援助你可以有助維護司法公正，你仍然可以得到法律援助，但你就需要俾分擔費。

至於喺案情審查方面，為咗維護司法公正，只要你通過經濟審查，通常你都會得到法律援助。

就算你打算認罪，你都可以申請法律援助。如果你提出申請而又批准嘅話，就會有律師代表你，佢會喺高等法院原訟法庭宣判嘅時候，代你求情。

如果你攞到法律援助，法律援助署嘅律師會喺交付審判程序進行嗰陣時代表你出庭聆訊。聆訊前，法律援助署嘅職員會同你解釋轉介案件嘅程序，同埋錄取你嘅初步指示。

申請法律援助有三個方法：

如果你嘅財務資源超過四十四萬八百蚊，但未超過二百二十萬四千零三十蚊，法律援助輔助計劃可以幫到你。

呢個計劃適用喺下列類別金額好可能超過七萬五千蚊嘅申索：

• 人身傷亡；
• 涉及醫生或者牙醫專業疏忽嘅申索；
• 涉及律師、執業會計師、註冊建築師、註冊專業工程師、註冊專業測量師、註冊專業規劃師、認可土地測量師、註冊園境師及地產代理專業疏忽嘅申索；
• 關於保險人或其中介人喺銷售個人保險產品時涉及疏忽嘅申索；
• 就售賣已落成或者未落成嘅一手住宅物業向賣方提出嘅金錢申索；
• 針對持有《證券及期貨條例》(第五百七十一章)所指嘅第1類(證券交易)、第2類(期貨合約交易)或第8類(提供證券保證金融資)受規管活動牌照或獲註冊以進行該等活動嘅金融中介人專業疏忽所提出嘅金錢申索；以及
• 涉及因詐騙、欺騙或失實陳述而被誘使進行嘅證券衍生工具、貨幣期貨或其他期貨合約交易所提出嘅金錢申索。

呢個計劃亦適用喺僱員補償案件，以及喺針對勞資審裁處所作裁決而提出嘅上訴中，為僱員提供法律代表，唔理爭議金額係幾多錢都可以。

你要通過經濟審查同埋案情審查，先至可以得到法律援助。
就(i)人身傷亡申索；(ii)僱員補償申索；以及(iii)喺針對勞資審裁處所作裁決而提出嘅上訴中，為僱員提供法律代表，喺你提出申請嗰陣，要先俾一千蚊申請費，俾咗嘅費用唔會退還。接受咗法律援助之後，你要俾十一萬零二百蚊嘅中期分擔費。

(i)人身傷亡申索；以及(ii)僱員補償申索：
如果你贏咗官司，攞到賠償，法律援助署除咗會喺你攞番嘅賠償嗰度扣番由法律援助輔助計劃基金俾出嚟，但又同對訟人收唔番嘅訟費同埋其他費用之外，仲會喺賠償嗰度扣番百分之十，撥入去呢個輔助計劃基金做經費。不過，如果你嘅案件喺審訊開始嘅日期前或者請大律師出席審訊之前和解嘅話，就會扣百分之六。你俾咗嘅申請費同埋中期分擔費，會喺你向基金俾嘅款額嗰度扣除。

(iii)喺針對勞資審裁處所作裁決而提出嘅上訴中，為僱員提供法律代表:
如果你贏咗官司，攞到賠償，法律援助署除咗會喺你攞番嘅賠償嗰度扣番由法律援助輔助計劃基金俾出嚟，但又同對訟人收唔番嘅訟費同埋其他費用之外，仲會喺賠償嗰度扣番百分之十，撥入去呢個輔助計劃基金做經費。不過，如果你嘅案件喺原訟法庭上訴聆訊開始嘅日期前或者請大律師出庭之前和解嘅話，就會扣百分之六。你俾咗嘅申請費同埋中期分擔費，會喺你向基金俾嘅款額嗰度扣除。

(i)就醫療、牙科及法律專業疏忽提出嘅申索;(ii)涉及執業會計師、註冊建築師、註冊專業工程師、註冊專業測量師、註冊專業規劃師、認可土地測量師、註冊園境師，以及地產代理專業疏忽嘅申索；(iii)關於保險人或其中介人喺銷售個人保險產品時涉及疏忽嘅申索；(iv)就售賣已落成或未落成一手住宅物業而向賣方提出嘅金錢申索；(v)針對持有《證券及期貨條例》(第五百七十一章)所指嘅第1類(證券交易)、第2類(期貨合約交易)或第8類(提供證券保證金融資)受規管活動牌照或獲註冊以進行該等活動嘅金融中介人嘅專業疏忽所提出嘅金錢申索；以及(vi)涉及因詐騙、欺騙或失實陳述而被誘使進行嘅證券衍生工具、貨幣期貨或其他期貨合約交易所提出嘅金錢申索。

喺你提出申請嗰陣，要先俾五千蚊申請費，俾咗嘅費用係唔會退番嘅。接受咗法律援助之後，你仲要俾中期分擔費，分擔費嘅比率係你嘅經評定財務資源嘅百分之十或者係十一萬零二百蚊，以數目較高嗰個為準。

如果你贏咗官司，攞到賠償，法律援助署除咗會喺你攞番嘅賠償嗰度扣番由法律援助輔助計劃基金俾出嚟，但又同對訟人收唔番嘅訟費同埋其他費用之外，仲會喺賠償嗰度扣番百分之二十，撥入去呢個輔助計劃基金做經費。不過，如果你嘅案件喺審訊開始嘅日期前或者請大律師出席審訊之前和解嘅話，就會扣百分之十五。你俾咗嘅申請費同埋中期分擔費，會喺你向基金俾嘅款額嗰度扣除。

如果你輸咗官司，法律援助署就唔會退番你俾咗嘅申請費同埋中期分擔費。除非案件涉及嘅訟費同埋其他費用，仲少過俾咗嘅中期分擔費，咁樣法律援助署就會將差額退番俾你。

法律援助署印咗一本小冊子，講解點樣申請法律援助輔助計劃提供嘅法律援助。你可以嚟本署攞呢本小冊子，或者瀏覽本署嘅網頁，網址係www.lad.gov.hk。如果你想透過傳真攞呢本小冊子，你可以㩒*號返回主目錄再㩒9字，然後揀有關嘅小冊子。

如果你想申請輔助計劃嘅法律援助，可以親自嚟法律援助署香港辦事處或者九龍分署辦理申請手續。香港辦事處嘅地址係：香港金鐘道66號，金鐘道政府合署25樓，電話係：25377652；重複：係25377652。九龍分署嘅地址係九龍旺角聯運街30號旺角政府合署地下，電話係：23992544；重複：係23992544。

呢兩個辦事處嘅辦公時間係星期一至星期四上午八時四十五分至下午一時；下午二時至五時四十五分，星期五就由上午八時三十分至下午一時；下午二時至六時。

如果你夠18歲，而申請涉及嘅訴訟係唔緊急嘅話，你可以透過本署網頁www.lad.gov.hk進入法律援助電子服務入門網站，喺網上提交“預辦申請所需資料”，之後就可以正式提交申請。

登入入門網站後，你須回答一些關鍵問題，便可下載「預辦申請所需資料表格」。填妥表格後，你可於網上向本署遞交表格。本署在收到資料後，會透過入門網站向你發出一個電子檔號以作確認。本署在核對你所提交的資料後如認為妥當，便會通知你約見日期，以便正式辦理申請。

法律援助嘅受助人可能要分擔法律援助署支付嘅訟費同埋其他費用。如果經評定後你嘅財務資源係介乎五萬五千一百蚊零一仙，至到四十四萬八百蚊，你就需要俾一千一百零二蚊至十一萬零二百蚊不等嘅分擔費。分擔費可以一次過俾哂，又或者係分期嚟俾。

喺打完官司之後，假如你俾咗嘅分擔費多過法律援助署代你俾出去嘅律師費同埋其他費用，法律援助署就會將多咗嘅錢退還俾你。

但係如果你係唔使俾分擔費，或者你嘅分擔費係唔夠去俾法律援助署俾出去嘅律師費同埋其他費用，法律援助署就有權喺官司收番或者保留嘅金錢或者財產度(如果有嘅話)，扣除代你俾咗出去嘅費用或不足之數。有關嘅內容請㩒2字返回分目錄，再㩒2字收聽“法律援助署署長第一押記”。

如果你透過法律援助成功喺官司裡面收番或者保留金錢或財產，法律援助署係會喺呢啲金錢或財產度扣番起所有法援署俾出去嘅律師費同埋其他費用，包括同對方收唔番嘅訟費同費用，呢嗰就叫做法律援助署署長嘅第一押記。喺打官司嘅期間，法律援助署只係代你俾住律師費同埋各樣嘅開支，而第一押記就好似借錢俾你去打官司。最後，你都係要用打官司收番或者保留嘅金錢或財產俾番呢啲費用嘅。

咁，你就同一個用自己嘅錢去請律師打官司嘅人係無分別嘅。

喺官司嗰度攞番或者保留嘅金錢同埋財產，就包括喺離婚官司裡面從配偶收番嘅樓宇物業、一整筆嘅款項、你每個月超過九千五百四十蚊嘅贍養費，又或者係僱員補償金、疏忽賠償金、欠薪同埋遣散費等等。